Rami Mohsen المدير التنفيذي لشركه Sony Music Middle East
*بعد اكتر من سنة شغل البوم عمرو دياب جاهز.
“ابتدينا” مش مجرد اسم اغنية ولا اسم للألبوم. ابتدينا هي بداية مرحلة جديدة في تاريخ عمرو دياب و في تاريخ الموسيقى في المنطقة يقودها كالعادة عمرو دياب و أنا محظوظ إن بداية المرحلة الجديدة دي تبقى معايا و مع سوني ميوزيك.
مفيش كلام جديد يتقال عن الموهبة ولا الريادة ولا النجاح ، كله معروف. بس أقدر اتكلم عن الاجتهاد و التعب و الشغل لشخص بالنسبة للناس عنده كل الأسباب انه ميتعبش نفسه خلاص و يقعد و يختار بين الأحسن اللي يتقدمله و برغم كده هو أكتر واحد بيتعب في شغله. أكتر من أي حد تاني.
الروح اللي بيشتغل بيها انه مينفعش يعمل حاجة عادية ولازم يتفوق على اي حاجة هو نفسه عملها قبل كده. من اول اختيار الاغاني ، تنفيذها ، ترتيبها و كل تفصيله فيها. عمرو دياب مش مطرب ، ده مُنتج فني قبل اي حاجة .
الألبوم بدون مبالغة (أو مبالغة بسيطة منحازة يعني) من أفضل الألبومات اللي اتعملت في ال ١٥ سنة اللي فاتت.
فيه كل أنواع المزيكا، و فيه تقديم لأنواع و أشكال جديدة محلية و أشكال موسيقى عالمية و مفاجآت لأول مرة. جرعة دسمة من حلاوة المزيكا و الكلمات و الألحان و الصنعة و التنوع في كل حاجة. كل ده ببصمة عمرو دياب
” ابتدينا ” بداية مرحلة جديدة لعمرو دياب في مشوار مليان نجاح، بداية جديدة ليا أنا شخصياً و لشركة سوني ميوزيك.
بداية هنوصل فيها الألبوم ده لكل بلد في العالم و نقدم أفضل ما أنتجته الموسيقى المصرية و العربية لكل العالم.@
