منوعات

رحمة محسن: «مبغفرش الخيانة» ورفضت الزواج من رجل أعمال حفاظًا على فني

شارك المقال:
رحمة محسن: مبغفرش للخيانة..ورفضت الزواج من رجل أعمال

كشفت المطربة رحمة محسن تفاصيل وأسرارًا تُذاع للمرة الأولى عن حياتها الشخصية، متحدثة بصراحة عن تجربة تعرضها للخيانة، وموقفها من خوض تجربة الزواج مرة أخرى، والمواصفات التي تشترطها في شريك حياتها المستقبلي.

وقالت رحمة محسن، خلال لقائها مع الإعلامي هشام السيوفي في برنامج «في السر»: «اتعرضت للخيانة، وكل الناس بتتخان، واتخانت من حبيب، وده نصيب، بس أنا مبغفرش الخيانة خالص، ولو الشخص رجع معتذر وموجوع مش هسامح ولا هركز».

موقف رحمة محسن من الزواج ومواصفات شريك حياتها

وحول فكرة الارتباط مجددًا، أوضحت أنها لم تتعقد من التجربة قائلة: «هتجوز تاني ومتعقدتش ولا حاجة، ومحدش بيعيش لوحده، وكل شيء نصيب في الدنيا، واتعرض عليا الزواج من رجل أعمال ورفضت».

وشددت على أنها لا تبحث عن المال عند اختيار شريك حياتها، مضيفة: «مش عاوزة فلوس في مواصفات شريك حياتي، محتاجة إنه يتقي ربنا فيا ويكون راجل، ومش أي راجل يتقال عليه راجل دلوقتي، ولازم يصون الست اللي معاه».

وحسمت المطربة رحمة محسن موقفها من اشتراط ترك الفن مقابل الارتباط، قائلة: «مستحيل أوافق أتجوز واحد مقابل إني أسيب مجالي لو طلب مني، أنا موصلتش للي أنا فيه بسهولة».

علاقتها بالشهرة والمال وطبيعتها الحساسة

وعن تأثير الأضواء في شخصيتها، أكدت أن محبة الجمهور هي المكسب الأهم في مشوارها، قائلة: «مفيش حاجة فرقتلي في حياتي قد حب الناس، والشهرة والفلوس مغيرونيش، وناسي وصحابي هما هما، وأتمنى أفضل كده طول عمري».

واختتمت رحمة محسن حديثها بالكشف عن جانبها العاطفي وحساسيتها الشديدة، قائلة: «لو وقفت قدام نفسي في المراية هقولها شكرًا، برافو عليكي، وعلى طول بعيط لأن دمعتي قريبة وأي حاجة بتأثر فيا»، مضيفة بعفوية: «وأنا مش الأعلى أجر ولا حاجة».

أعجبك المقال؟ شاركه مع أصدقائك